ငပလီ၊ ဇွန် ၂၅၊ ၂၀၂၄။
မြေပြင်မှာ အရှုံးဖြင့်ရင်ဆိုင်နေရသည့် စစ်ကောင်စီတပ်သည် ဇွန် ၂၅ ရက် ယခုည ၁၂ နာရီ ၁၅ မိနစ်ခန့်မှာ လေယာဉ်ဖြင့် ဗုံးကြဲနေကြောင်း ဒေသခံများက ပြောသည်။
ငပလီမြို့၊ ဇီးဖြူကုန်းရပ်ကွက်၊ သပြေကုန်း အနီးကို လေယာဉ်ဖြင့် ဗုံးကြဲနေခြင်းဖြစ်ပြီး လက်ရှိအချိန် ည ၁၂ နာရီ မိနစ် ၂၀ အထိ ဗုံး ၂ လုံး ကြဲချထားပြီဖြစ်ကြောင်း ဒေသခံ များက ပြောသည်။
ဇွန် ၂၄ ရက် ညနေပိုင်းအချိန်ကလည်း ဇီးဖြူကုန်အနီးဝန်းကျင်သို့ လေယာဉ်ဖြင့် ဗုံးကြဲချခဲ့သေးသည် ဟုသိရ သည်။
“မီဒီယာတွေ၊ ဖေ့ဘွတ်ပေါ်တွေမှာ အေအေ က ဘယ်ရောက်နေပြီ၊ ဘယ်ကိုသိမ်းလိုက် ပြီဆိုပြီး တက်နေတာ တွေက မလုပ်သင့် ဘူး။ ငပလီလမ်းဆုံမှာ လမ်းလျှောက်နေပြီ ဆိုတာကအစ လုံခြုံရေးစည်း ကျိုးပေါက် သလိုဖြစ်နေတယ်” ဟု စစ်ရေးနှင့် နီးစပ်သူ တဦးက ပြောသည်။
ငပလီမြို့နှင့် သံတွဲမြို့ဘက်သို့ ကွင်းဝိုင်း ရေတပ်စခန်းမှလည်း ဟောင်ဝှစ်ဇာ၊ မစ်ဇိုင်းများဖြင့် ညနေမှစ၍ ပစ်ခတ် နေကြောင်း ဒေသခံများက ပြောသည်။
အာရက္ခတပ်တော်(အေအေ)သည် မဇင်လေဆိပ်ကို သိမ်းပိုက်ထားပြီဖြစ်ပြီး ခမရ ၅၆၆ နှင့် ခလရ ၅၅ တပ်ရင်းကိုလည်း သိမ်းပိုက်ထားပြီဟု သတင်းများ ထွက်ပေါ်ပြီးသည့်နောက် စစ်ကောင်စီက ယခုကဲ့သို့ လေကြောင်းဗုံးကြဲခြင်းများ ပြုလုပ်လာခြင်းဖြစ်သည်။
ဓာတ်ပုံ-ငပလီကမ်းခြေ ညနေအလှ။
